Жена на 61-годишна возраст и нејзиниот 71-годишен сопруг од Македонија за првпат станаа родители, откако успешно била спроведена ин витро постапка во болницата „Д-р Органџиски“.
Двојката добила здраво машко бебе, а од болницата случајот го оцениле како историски успех, имајќи ја предвид возраста на родителите, како и сложеноста на медицинската постапка што ѝ претходела на бременоста.
Според објавените информации, бременоста била постигната по внимателна и индивидуализирана медицинска подготовка.
Пред успешната ин витро постапка, кај 61-годишната жена била извршена хистероскопска реконструкција на матката. Во постапката биле користени и донирани јајце-клетки.
По спроведената медицинска процедура и бременоста, двојката го добила своето прво дете.
Од болницата информирале дека мајката и новороденчето се во добра здравствена состојба.
Случајот привлече големо внимание во јавноста поради возраста на двајцата родители, но и поради комплексноста на медицинскиот процес што му претходел на успешното остварување на бременоста.
Таткото има 71, а мајката 61 година и ова е нивното прво дете.
