Универзитетската клиника за урологија официјално ги пушти во употреба новите оперативни сали, современ хируршки комплекс изграден и опремен според највисоките светски стандарди.
Новите сали овозможуваат значително подобрување на условите за изведување хируршки интервенции, поголема безбедност за пациентите, повисок квалитет на здравствените услуги и модерни услови за работа на медицинскиот персонал.
Како симболичен почеток на работата на новиот хируршки простор, беа изведени првите операции за вградување инфлатабилни пенилни протези – една од најсовремените и најкомплексни процедури за третман на еректилна дисфункција. Оваа интервенција неодамна стана достапна и во рамки на јавното здравство, што претставува значаен исчекор во унапредувањето на уролошката хирургија во земјава.
Од Клиниката истакнуваат дека оваа инвестиција претставува важен чекор кон модернизација на здравствениот систем и обезбедување поквалитетна, побезбедна и поефикасна здравствена грижа за пациентите.
…
