Новак Ѓоковиќ го избра црногорското приморје како место за одмор и семејно уживање, далеку од тениските терени и секојдневниот притисок што го носи професионалниот спорт. Познатиот тенисер престојува во Портонови со сопругата Јелена и нивните деца Стефан и Тара, а во овој луксузен комплекс поседува и сопствен апартман.
Посебно внимание кај минувачите предизвика моментот кога Ѓоковиќ лично застана зад управувачот на својот глисер и ја презеде улогата на капетан за време на пловидбата низ заливот.
Во опуштено издание, српскиот тенисер внимателно управувал со пловилото, додека неговата сопруга и децата уживале на пространата палуба и во мирниот семеен одмор.
Ѓоковиќ и претходно јавно ја покажувал својата љубов кон пловидбата, а според достапните информации, во сопственост има две луксузни пловила.
Глисерот што го користи за пократки излети и побрзи пловидби се проценува на неколку милиони евра. За тенисерот има и посебна емотивна вредност, бидејќи го носи името на неговата ќерка Тара.
Пред неколку години Ѓоковиќ купил и луксузна јахта, чија вредност се проценува на околу пет милиони евра. Пловилото го нарекол по својата мајка Дијана.
Јахтата е долга 27 метри и е опремена со бројни содржини наменети за максимална удобност. Меѓу нив се џакузи, ВИП-кабина и помошен гумен чамец.
Пловилото може да развие брзина до 30 јазли, што го прави погодно и за подолги крстарења и за брзо движење долж брегот.
Семејното појавување на Ѓоковиќ на море уште еднаш привлече внимание кај јавноста, овојпат не поради неговите резултати на тенискиот терен, туку поради опуштеното издание и улогата на капетан со која ги воодушеви присутните на црногорското приморје.
