Косовски државјанин е приведен откако полицијата го фатила како вози со екстремно висока брзина на автопатот А1, каде што дозволената максимална брзина е 120 километри на час.
Од Министерството за внатрешни работи информираат дека денеска околу 08:41 часот, на паркингот „Милетково“ на автопатот А1, полициски службеници од СВР Струмица – ОВР Гевгелија го лишиле од слобода 36-годишниот Ш.З. од Косово.
При извршената сообраќајна контрола било утврдено дека тој управувал автомобил „мерцедес“ со косовски регистарски ознаки со брзина од дури 220 километри на час.
По целосното документирање на случајот, против возачот ќе биде поднесена кривична пријава за „безобѕирно управување со моторно возило“ согласно член 297-а од Кривичниот законик.
Полицијата апелира до возачите да ги почитуваат сообраќајните правила, бидејќи високата брзина е една од најчестите причини за тешки сообраќајни несреќи.
…
