Полициски службеници од ОВР Кавадарци синоќа околу 22:00 часот ја лишиле од слобода 41-годишната Д.П. од Кавадарци, постапувајќи по пријава од нејзината 75-годишна свекрва.
Според информациите од Министерството за внатрешни работи, постарата жена пријавила дека во нејзиниот дом, снаата ѝ упатувала закани.
По интервенцијата на полицијата, Д.П. била задржана во полициска станица, а за случајот бил известен јавен обвинител.
Од МВР информираат дека по целосното документирање на настанот, против 41-годишната жена ќе биде поднесена соодветна пријава.
