Најмалку три лица го загубија животот, а 13 се повредени, меѓу кои има и деца, откако остатоци од дрон паднале во туристичкото место Архипо-Осиповка на руското црноморско крајбрежје, соопштија руските власти.
Според регионалниот гувернер Венијамин Кондратјев, украински дронови нападнале цивилна инфраструктура. Овие тврдења засега не можат независно да бидат потврдени.
Руските власти наведуваат дека жртвите не настрадале од директен удар на дрон, туку од пад на негови остатоци. Засега нема официјална потврда дека леталото паднало меѓу капачите.
Во текот на ноќта во Геленџик била прогласена опасност од напад со беспилотни летала. Во меѓувреме, руското Министерство за одбрана соопшти дека над повеќе руски региони, окупираниот Крим и Црното Море биле пресретнати или уништени вкупно 131 украински дрон.
Информациите за нападот доаѓаат во време на продолжени меѓусебни воздушни напади меѓу Русија и Украина, при што двете страни редовно известуваат за соборени беспилотни летала и штети врз инфраструктурата.
…
