Полицијата истражува кражба во просториите на Јавното комунално претпријатие „Сарај“, откако од канцеларијата на директорот биле одземени пари од дневниот промет.
Според информациите од Министерството за внатрешни работи, случајот бил пријавен на 4 август во Полициското одделение Сарај од директорот на ЈКП „Сарај“, И.Х. (41).
Според пријавата, во периодот од 16:30 часот на 31 јули до 6:40 часот на 4 август, непознат сторител со употреба на сила ја отворил влезната врата од канцеларијата, која се наоѓа во објектот на Општина Сарај, а потоа ја обил и фиоката од работното биро.
При тоа биле украдени пари од прометот на јавното комунално претпријатие.
Од МВР информираат дека се преземаат мерки и активности за целосно расчистување на случајот и откривање на сторителот.
