Полициски службеници од Отсекот за економски криминал при СВР Велес открија случај на нелегален ископ на песок во неготинско село, при што е одземено и товарно возило.
Според информациите, на 8 август 2026 година во 11:40 часот, при контрола на сепарација во едно село на подрачјето на Неготино, полициските службеници забележале товарно возило „Сканија“ со неготински регистарски ознаки.
Возилото го управувал А.Л. (52) од Неготино.
При контролата било утврдено дека на локацијата се врши ископ, а товарното возило било натоварено со песок за кој возачот не поседувал соодветна документација.
Полициските службеници земале примероци од песокот што се наоѓал во возилото, како и примероци од местото каде што се вршел ископот.
Со 52-годишниот возач бил извршен службен разговор на самото место.
Товарното возило потоа било спроведено на мерење, а по насоки од јавен обвинител подоцна било и одземено за понатамошна постапка.
За случајот е известено и Министерството за животна средина и просторно планирање.
По целосното расчистување и документирање на настанот, надлежните најавуваат дека ќе биде поднесена соодветна пријава.
