Пет лица се лишени од слобода во Скопје во врска со две разбојништва извршени на 9 август, соопшти Министерството за внатрешни работи.
Во координација со СВР Тетово, полициски службеници ги лишиле од слобода Ј.Ј. (24), А.О. (22) и А.А. (24), сите од Гостивар. Тие се сомничат дека на 9 август околу 04:00 часот, во близина на Градскиот парк во Скопје, го нападнале 23-годишниот В.О. од Австрија и се обиделе да му одземат пари и лични предмети. При нападот, еден од нив му нанел и расекотина.
Полицијата го расчистила и второто кривично дело – разбојништво извршено истиот ден на плоштад „Македонија“. Според пријавеното, од Ш.С. била одземена торба во која имало документи и пари.
Веднаш по пријавата, полициски службеници од ОКР Центар и Бит Пазар презеле мерки и активности за расчистување на случајот. Во рамки на истрагата, од слобода биле лишени А.А. (18) и А.С. (19), двајцата од Скопје.
По целосното документирање на случаите, против лицата ќе бидат поднесени соодветни пријави.
