Грчката полиција уапси 59-годишен маж под сомнение дека намерно предизвикал шест пожари во период од само четири дена во областа Синдос, во близина на Солун.
Според досегашната истрага, мажот наводно ги подметнувал пожарите додека се движел со своето возило, при што биле зафатени сува трева, трска и земјоделски површини.
Пожарите биле предизвикани во периодот од 8 до 11 август, а дел од нив зафатиле значителни земјоделски површини.
Првиот пожар избувнал на 8 август, при што изгореле околу 20 хектари земјоделско земјиште, додека следниот ден, 9 август, во нов пожар биле зафатени уште околу 15 хектари.
Полицијата продолжува со истрагата за целосно расчистување на случајот и утврдување на сите околности поврзани со пожарите. Против уапсениот се очекува да следува соодветна постапка поради сомнение за намерно предизвикување пожари.
…
