Управата за хидрометеоролошки работи (УХМР) предупредува дека попладнево во поголем дел од земјата постојат услови за појава на невреме.
Според временската најава, локално се очекуваат пороен дожд, засилен ветер, грмежи, а можна е и појава на град. Услови за нестабилно време има во поголем дел од земјата, додека според објавената карта, исклучок се Скопје, Куманово, Крива Паланка, Тетово, Гостивар и околните подрачја.
Максималната температура денеска ќе се движи во интервал од 28 до 34 степени Целзиусови.
Во Скопје ќе преовладува сончево време со мала до умерена облачност. Ќе дува слаб до умерен ветер од јужен правец.
Граѓаните во регионите каде што има услови за невреме се советуваат да бидат внимателни и да ги следат најновите информации и предупредувања од надлежните институции.
