Земјоделец во полскиот град Гливице го уништи свежиот асфалт на новореконструиран пат, откако одлучил низ него да помине со трактор и спуштен орачки plug (плуг). Како што пренесува „Euronews“,повикувајќи се на полициски извори, инцидентот се случил во петокот околу 15 часот во улицата „Рибацка“.
Градежните работници успеале да го запрат 60-годишниот маж откако со тракторот веќе изорал речиси 200 метри од новиот пат. Тие го блокирале неговото возило со валјак и утоварувач, по што интервенирала полицијата. При проверката било утврдено и дека тракторот немал задолжително осигурување, па возилото веднаш било одземено и пренесено на полициски паркинг.
Земјоделецот тврди дека патот минува низ негово приватно земјиште и дека градските власти градат незаконски. Меѓутоа, градската управа на Гливице категорично ги отфрли неговите тврдења,соопштувајќи дека според сите катастарски книги и официјална документација, целата улица се наоѓа на градско земјиште.
Според полицијата, 60-годишникот дури им се заканил на службените лица дека повторно ќе го уништи патот штом тие си заминат. Против него веќе е покрената кривична постапка за уништување имот, а обвинителството ја проценува штетата меѓу 70.000 и 90.000 евра. Поднесен е и барање за едномесечен притвор, а за ова кривично дело е предвидена затворска казна од една до десет години.
…
