ОВР Гевгелија поднесе кривична пријава против 52-годишен жител на Гевгелија, поради сомнение дека сторил кривично дело „проневера во службата“.
Според пријавата, К.К., во периодот од 7 ноември 2025 до 3 март 2026 година, додека работел како стручен соработник во експозитура на банка во Гевгелија, во 13 наврати присвоил пари кои му биле доверени во рамки на неговата работа.
Станува збор за вкупно 4.920.000 денари и 63.350 евра.
Полицијата информира дека осомничениот, без налог од корисниците, неовластено пристапувал до нивните денарски платежни сметки, по што ги преземал средствата.
Со ваквите дејствија, според пријавата, била предизвикана материјална штета на банката.
За случајот е поднесена кривична пријава, а понатамошното постапување е во надлежност на надлежните институции.
…
