Нов пораст на цените на горивата од вечерва на полноќ. Согласно најновата одлука на Регулаторната комисија за енергетика (РКЕ), малопродажните цени на горивата се зголемуваат во просек за 2,62 отсто.
Најголем скок има кај дизелот, кој поскапува за 3,50 денари за литар. Со новата цена, еден литар ЕУРОДИЗЕЛ од вечерва ќе се продава за 101,50 денари, со што цената повторно ја надминува границата од 100 денари.
Поскапување има и кај бензините. ЕУРОСУПЕР-95 ќе чини 93 денари за литар, односно 1,50 денари повеќе од досегашната цена, додека ЕУРОСУПЕР-98 ќе се продава по 95 денари за литар.
Новите цени стапуваат во сила вечерва на полноќ, а возачите од утре ќе плаќаат поскапо гориво на бензинските станици.
Според РКЕ, цените се утврдени согласно методологијата за пресметка на малопродажните цени на нафтените деривати.
…
