Ерлинг Халанд направи неочекувана промена во својот изглед. Норвешкиот напаѓач на Манчестер Сити се прости од својата препознатлива долга руса коса и се одлучи за значително пократка фризура.
Халанд беше фотографиран за време на потстрижувањето, а неговиот нов изглед веднаш привлече големо внимание кај навивачите и следбениците на социјалните мрежи.
Долгата руса коса со години беше еден од заштитните знаци на норвешкиот фудбалер. За време на натпреварите, Халанд често ја врзуваше во опавче или пунџа, што дополнително придонесе за неговиот препознатлив имиџ.
Сега, сепак, 26-годишниот напаѓач реши да направи целосен пресврт и да се појави со кратка фризура пред продолжувањето на своите фудбалски обврски.
Неговата фризура во изминатите години не беше само дел од имиџот, туку и своевиден бренд. Халанд со години користеше ластичиња за коса од норвешкиот бренд „KKNEKKI“, а во 2024 година стана малцински сопственик на „Bon Dep“, компанијата која стои зад брендот.
Популарноста на Халанд придонесе и за голем интерес за производите на „KKNEKKI“. Пред последното Светско првенство брендот претстави специјално издание на ластичиња инспирирани од норвешкиот голгетер, кои за кратко време беа распродадени.
Останува да се види дали кратката фризура ќе стане неговиот нов заштитен знак или Халанд повторно ќе се врати на препознатливата долга коса.
…
