УЕФА го објави комплетниот распоред за лигашката фаза од Лигата на шампионите за сезоната 2026/27, која уште од првото коло носи големи европски пресметки.
Првото коло ќе се игра од 8 до 10 септември, а во фокусот ќе бидат дуелите Реал Мадрид – Интер и Ливерпул – Атлетико Мадрид. Интересно ќе биде и во Неапол, каде што Наполи ќе го пречека Арсенал.
Прво коло:
Вторник, 8 септември:
- АЕК – ЛАСК
- Клуб Бриж – Астон Вила
- Борусија Дортмунд – Виљареал
- Порто – Манчестер Сити
- Лил – Бетис
- Реал Мадрид – Интер
Среда, 9 септември:
- Барселона – Феенорд
- Штутгарт – Викинг
- Ливерпул – Атлетико Мадрид
- ПСЖ – Слован
- Спортинг – Галатасарај
- Наполи – Арсенал
Четврток, 10 септември:
- Фенербахче – Рома
- ПСВ – Шахтјор
- Комо – РБ Лајпциг
- Баерн Минхен – Боде/Глимт
- Манчестер Јунајтед – Сабах
- Славија Прага – Ланс
Големи натпревари ќе има и во продолжението од лигашката фаза. Во октомври, Атлетико Мадрид ќе го пречека Манчестер Јунајтед, додека во третото коло ќе се сретнат Пари Сен Жермен и Барселона, а Баерн Минхен ќе игра против Арсенал.
Во ноември на програмата се уште неколку интересни пресметки. Барселона ќе биде домаќин на Астон Вила, Виљареал ќе игра против ПСЖ, а Манчестер Сити ќе се соочи со Наполи.
Завршницата на лигашката фаза исто така носи големи дуели. Во шестото коло се издвојува пресметката Барселона – Манчестер Сити, додека во седмото коло Спортинг ќе ја пречека Барселона.
Лигашката фаза ќе заврши на 27 јануари 2027 година, по што ќе бидат познати учесниците во нокаут-фазата.
Како и во претходниот формат, секој клуб во лигашката фаза ќе одигра осум натпревари, а сезоната 2026/27 уште од самиот старт ветува голем број европски фудбалски спектакли.
…
