Седумгодишно дете го загуби животот во трагична несреќа во местото Дражев Долац кај Горен Вакуф, Босна и Херцеговина, откако се превртел четирицикл на приватен имот.
Случајот бил пријавен во Полициската станица во Горен Вакуф во петокот околу 18:15 часот. Според информациите од Министерството за внатрешни работи на Среднобосанскиот кантон, со четирициклот управувало малолетното дете, кое при превртувањето се здобило со тешки телесни повреди.
Само пет минути подоцна, во 18:20 часот, од Домот на здравје во Горен Вакуф ја известиле полицијата дека детето починало како последица на здобиените повреди.
За трагичниот настан бил известен дежурниот обвинител од Кантоналното обвинителство во Травник, кој наредил полициските службеници од Одделот за криминалистичка полиција при Полициската управа Бугојно да извршат увид на местото.
Полицијата презема дополнителни дејствија за да се утврдат сите околности и причините поради кои дошло до несреќата.
…
