Унгарија донесе одлука да протера 10 членови на руската дипломатска мисија, откако унгарските власти утврдиле дека тие биле вклучени во активности кои се неприфатливи за дипломати според Виенската конвенција.
Одлуката, по инструкции на унгарската влада, во вторник му била соопштена на рускиот амбасадор во Унгарија од страна на надлежен претставник на Министерството за надворешни работи.
„Според проценката на унгарските власти, 10 членови на руската мисија се занимавале со активности во Унгарија кои се неприфатливи за дипломати според Виенската конвенција“, се наведува во соопштението.
На лицата опфатени со одлуката им е наложено да ја напуштат територијата на Унгарија.
Унгарските власти наведуваат дека мерката е преземена со цел заштита на националната безбедност и суверенитет, но нагласуваат дека таа не значи прекин на дипломатските односи со Русија.
„Унгарија има намера да продолжи со неопходниот дијалог, заснован на меѓусебно почитување и почитување на правилата“, се додава во соопштението.
…
