Нестабилни временски услови попладнево зафатија повеќе делови од Македонија, информира Управата за хидрометеоролошки работи (УХМР).
Според најновите радарски податоци, на крајниот северозапад од земјата се развила нестабилна облачна маса, проследена со засилен ветер, дожд и грмежи.
УХМР информира дека послаба нестабилност е регистрирана и во подрачјето јужно од Делчево.
Во меѓувреме, нестабилната облачност продолжува да се проширува и кон други делови од земјата. Зафатени се и регионот на Гостивар, како и планинските предели северозападно од Струга и западно од Крушево.
Метеоролозите продолжуваат да ја следат состојбата и развојот на облачноста во текот на попладневните часови.
…
