Исхраната има важна улога во зачувувањето на здравјето на црниот дроб, а лекарите особено препорачуваат намирници богати со растителни влакна, квалитетни протеини и сложени јаглехидрати.
Д-р Сузан Кејс, гастроентеролог и хепатолог, како еден од добрите избори за појадок ја издвојува комбинацијата од јајца и овесни снегулки, збогатена со свежо бобичесто овошје, јаткасти плодови или семки.
Јајцата се богат извор на протеини и холин – хранлива материја која има важна улога во нормалното функционирање на црниот дроб.
Овесните снегулки, пак, содржат значително количество растителни влакна, кои можат да помогнат во регулирањето на шеќерот и холестеролот во крвта, како и во намалувањето на таложењето маснотии во црниот дроб.
Бобичестото овошје дополнително обезбедува антиоксиданси, додека јаткастите плодови и семките содржат протеини и незаситени масти.
Токму незаситените масти се поврзуваат со помало таложење маснотии во црниот дроб, а исхраната богата со растителни влакна може да придонесе и за намалување на ризикот од метаболички поврзана масна болест на црниот дроб, позната како MASLD.
Затоа, едноставниот појадок составен од јајца, овесни снегулки и неколку квалитетни додатоци може да биде хранлив избор за почеток на денот и дел од балансирана исхрана која го поддржува здравјето на црниот дроб.
…
