Малолетник се здобил со тешки телесни повреди откако бил физички нападнат од група други малолетници во дворот на основно училиште во скопската општина Ѓорче Петров.
Случајот бил пријавен во СВР Скопје на 16 септември околу 21 часот. Според пријавеното, на нападот му претходела расправија, по што неколку малолетници физички го нападнале детето, а еден од нив му бил познат.
Во нападот малолетникот се здобил со тешки телесни повреди.
Од Министерството за внатрешни работи информираат дека се преземаат мерки за расчистување на случајот и утврдување на сите околности поврзани со инцидентот.
…
