Царинските службеници на граничниот премин Табановце спречиле обид за нелегален внес на 200.000 евра, кои унгарски државјанин не ги пријавил при влез во државата.
При деталната контрола на возилото, парите биле пронајдени сокриени во повеќе торби и куфер, распоредени на различни места во возилото.
Согласно Законот за девизно работење, на патникот му биле вратени дозволените 10.000 евра, додека преостанатите 190.000 евра биле задржани од страна на царинските службеници.
Против лицето е поднесено барање за поведување прекршочна постапка.
Ова е уште еден случај на откривање на голема сума непријавени девизи на граничниот премин Табановце, по неодамнешната заплена на 500.000 евра.
…
