Регулаторната комисија за енергетика ги објави новите малопродажни цени на горивата, според кои бензините ќе поскапат, додека дизелот ќе поевтини за 4,50 денари по литар.
Согласно одлуката, цената на бензинот ЕУРОСУПЕР БС-95 се зголемува за еден денар и од полноќ ќе се продава за 100 денари за литар. ЕУРОСУПЕР БС-98 исто така поскапува за еден денар, па неговата нова цена ќе изнесува 102 денари за литар.
Од друга страна, дизелот поевтинува за 4,50 денари, со што еден литар ЕУРОДИЗЕЛ ќе чини 100 денари.
Новите цени стапуваат во сила вечерва на полноќ.
Во просек, малопродажните цени на нафтените деривати се намалуваат за 1,06 проценти. На цените влијаат и владините мерки за намалување на ДДВ кај дизелот и намалување на акцизите кај бензините.
…
