ЈКП „Водовод“ – Битола започна со реконструкција на водоводната мрежа на улицата „Христо Ботев“, во рамки на активностите за модернизација и подобрување на водоводната инфраструктура во градот.
Од претпријатието информираат дека работите ќе се одвиваат континуирано до целосно завршување на предвидената делница.
Со реконструкцијата се очекува да се обезбеди посигурно и поквалитетно водоснабдување за жителите од овој дел на Битола.
Во меѓувреме, во завршна фаза е реконструкцијата на улицата „150-та“, а во наредниот период се планираат активности и на делови од улиците „Дебарска“ и „Студентска“.
Од ЈКП „Водовод“ – Битола велат дека продолжуваат со инвестиции насочени кон создавање посигурна и современа водоводна инфраструктура.
