Американскиот синџир кафулиња „Старбакс“ планира да затвори 250 објекти во САД, во рамките на преструктурирањето на своето работење, пренесува „Њујорк пост“. Најавата доаѓа по отпуштањето на 900 вработени во корпоративниот сектор минатата година и уште 300 во мај годинава.
Оперативниот директор Мајк Грамс објаснил дека одлуката следува по детална анализа на кафулињата во Северна Америка. Компанијата ги издвојувала локациите на кои не може доследно да го обезбеди посакуваното искуство за посетителите и вработените или не гледа можност за постигнување прифатливи финансиски резултати.
Грамс нагласил дека затворањето на секое кафуле е тешка одлука, со последици за вработените, купувачите и локалните заедници.
Затворањата се случуваат во период кога „Старбакс“ спроведува програма за преуредување вредна една милијарда долари. Целта е создавање помали и попријатни простори за посетителите. Досега во Северна Америка се обновени околу 1.000 локации, а компанијата планира да го забрза процесот до 2027 година.
Истовремено, дел од корисниците на социјалните мрежи реагираат критички на работењето на синџирот. Според коментарите што ги пренесува „Њујорк пост“, забелешките главно се однесуваат на поскапувањата, квалитетот на кафето и услугата, како и на трошоците за отворање, преуредување и подоцнежно затворање на објектите.
Американскиот синџир кафулиња „Старбакс“ планира да затвори 250 објекти во САД, во рамките на преструктурирањето на своето работење, пренесува „Њујорк пост“. Најавата доаѓа по отпуштањето на 900 вработени во корпоративниот сектор минатата година и уште 300 во мај годинава.
Оперативниот директор Мајк Грамс објаснил дека одлуката следува по детална анализа на кафулињата во Северна Америка. Компанијата ги издвојувала локациите на кои не може доследно да го обезбеди посакуваното искуство за посетителите и вработените или не гледа можност за постигнување прифатливи финансиски резултати.
Грамс нагласил дека затворањето на секое кафуле е тешка одлука, со последици за вработените, купувачите и локалните заедници.
Затворањата се случуваат во период кога „Старбакс“ спроведува програма за преуредување вредна една милијарда долари. Целта е создавање помали и попријатни простори за посетителите. Досега во Северна Америка се обновени околу 1.000 локации, а компанијата планира да го забрза процесот до 2027 година.
Истовремено, дел од корисниците на социјалните мрежи реагираат критички на работењето на синџирот. Според коментарите што ги пренесува „Њујорк пост“, забелешките главно се однесуваат на поскапувањата, квалитетот на кафето и услугата, како и на трошоците за отворање, преуредување и подоцнежно затворање на објектите.
..
