Во ООУ „Св. Климент Охридски“ во Битола заврши реконструкцијата на дел од кровната конструкција, реализирана со финансиска поддршка од Амбасадата на Јапонија во вредност од 80.314 евра.
Донацијата придонесува за подобри и побезбедни услови во училиштето, како и за поквалитетна средина за одвивање на воспитно-образовниот процес.
Од училиштето посочуваат дека поддршката од Амбасадата на Јапонија, заедно со инвестициите на Општина Битола, има значаен придонес во унапредувањето на училишната инфраструктура и грижата за учениците и вработените.
На свеченоста по повод завршувањето на реконструкцијата присуствуваше заменик-градоначалничката на Битола, Марина Крстиќ.
…
