Бугарија в недела избира претседател, а безбедноста, војната во Украина и односите со Русија се меѓу главните теми во кампањата.
Според анкетата на „Маркет линкс“, објавена во средата, актуелната претседателка Илијана Јотова има поддршка од 47,3 проценти, додека нејзиниот главен противкандидат Андреј Ѓуров располага со 30,6 проценти.
Јотова настапува со пораки за национално единство, борба против сиромаштијата и завршување на војната во Украина. Таа не го оспорува членството на Бугарија во ЕУ и НАТО, но се противи на продолжувањето на воената помош за Киев и повикува на преговори со Москва.
„Не ни треба Коалиција на подготвените за Украина, туку Коалиција за мир во Украина“, порачала Јотова на предизборен собир.
Ѓуров, поддржан од прозападната опозиција, застапува цврста евроатлантска ориентација. Тој ја критикува надворешната политика на премиерот Румен Радев и нагласува дека дипломатијата е неопходна, но не може да ги замени одбранбените капацитети.
Кампањата се одвива во услови на тензии во Црното Море. Според објавените информации, четири трговски брода биле погодени во бугарската исклучива економска зона, два потонале, а 21 морнар се води како исчезнат.
Бугарската влада наведува дека нападите им одат во прилог на руските интереси, но дека нема доволно докази за официјално припишување на одговорноста на Русија.
На изборите учествуваат 27 кандидати, а очекуваната излезност е под 40 проценти. Евентуалниот втор круг е закажан за 1 ноември. Доколку биде избрана, Јотова ќе стане првата жена што победила на претседателски избори во Бугарија.
…
