Вториот круг од предвремените избори за градоначалник на Општина Брвеница ќе се одржи утре, 1 ноември. Денеска своето избирачко право го остваруваат болните и изнемоштените лица.
Во вториот круг учествуваат кандидатите на ВМРО-ДПМНЕ и ДУИ, кои освоија најмногу гласови на гласањето на 18 октомври. Ниту еден кандидат тогаш не го доби потребното мнозинство.
Во првиот круг право на глас имале 16.256 граѓани, а гласале 7.565 избирачи. Излезноста изнесувала 46,56 проценти.
Изборниот молк за вториот круг почна синоќа на полноќ.
Предвремените избори се организираат по ненадејната смрт на градоначалникот Јовица Илиевски.
…
