Инфраструктурата во селата, развојот на туризмот и сточарството и условите за привлекување нови инвестиции беа теми на работната средба во Општина Боговиње, на која домаќин беше градоначалникот Фети Абази.
На средбата присуствуваа копретседателот на ВЛЕН и градоначалник на Чаир, Изет Меџити, градоначалникот на Тетово, Билал Касами, како и министри, заменици-министри и пратеници од регионот. Тие разговараа за досегашните инвестиции, работите што се во тек и проектите што ги планира општината.
Меџити посочи дека средбата им овозможила на општината и на министерствата директно да разговараат за потребите на Боговиње и за проектите за кои е потребен заеднички ангажман.
„Само со координирана работа меѓу локалната и централната власт можеме да ги придвижиме овие проекти и да одговориме на потребите на граѓаните“, порача Меџити.
…
