Дваесет и осумгодишен скопјанец е лишен од слобода под сомнение дека го запалил автомобилот на својата мајка во скопски Чаир, а потоа се заканувал дека ќе го запали и станот во кој живеат.
Според Министерството за внатрешни работи, настанот се случил на 19 ноември 2026 година, околу 05:50 часот, на подрачјето на Чаир.
Возилото „опел корса“, со скопски регистарски ознаки, било во сопственост на мајката на осомничениот.
Околу 40 минути подоцна, во 06:30 часот, полициски службеници од СВР Скопје го лишиле од слобода А.Ф. (28) на улицата „Христијан Тодоровски Карпош“ во Скопје.
Од МВР информираат дека тој е задржан во полициска станица. По целосното документирање на случајот, против него ќе биде поднесена соодветна пријава.
…












