Градоначалникот на Скопје, Орце Ѓорѓиевски, соопшти дека заедно со премиерот Христијан Мицкоски синоќа извршиле обиколка на главниот град, оценувајќи дека Скопје „конечно личи на метропола“. Според него, градот е почист, уреден и полн со посетители, а „лошата слика од минатото“ веќе припаѓа на историјата.
Ѓорѓиевски најави дека никогаш повеќе нема да се дозволи вратенo на претходната состојба и истакна дека градот продолжува со проекти кои, како што вели, долго време му недостасувале на Скопје.
Тој посочи дека заедно со премиерот го посетиле и просторот предвиден за новиот Луна Парк – проект што, како што нагласи, е значаен не само за Скопје, туку и за целата држава.
„Скоро ја започнуваме постапката за неговата реализација. Најдоброто допрва доаѓа“, порача Ѓорѓиевски.
Видеото може да го погледнете тука
