Настанот „Први на Први“ во организација на ЗПСК „Олимпус Монс“ со поддршка на Oпштина Битола оваа година по 5-ти пат го организираше искачувањето нав врвот „Пелистер“ (2601мнв) на 01.01.2026 година.
Секоја година искачувањето на врвот „Пелистер“ започнува една минута по полноќ од локацијата на Инфоцентарот на НП „Пелистер“ (1360мнв), а е дел од програмата на „Зимската приказна“
Целта е првото изгрејсонце во новата година да се дочека на 2601 мнв. Настанот исто така има за цел да го промовира туристичкиот потенцијал на природните убавини на Битола и Македонија и здравиот начин на живот кој води низ поблизок контакт со природата.
„Оваа година имавме 50 учесници од 10 градови од Македонија и планинари кои дојдоа од Црна Гора и Германија. Искачувањето се одвиваше во сурови временски услови и во текот на ноќта измериме и температури од -28°C со брзина на ветер од околу 50 km/h. Дури и за искусните планинари, кои се добро познати имиња на јавноста на поширокиот регион оваа година беше вистински предизвик да се стигни до врвот „Пелистер“. Магичните бои на првото изгрејсонце најдобро ги искористи Дарио Петровски кој ја запроси својата сакана Мишела Панајотова за вечна љубов. И двајцата во моментов живеат и работат во Германија и во моментов се присутни во Македонија со цел да учествуваат на „Први на Први“, вели Иванчо Тошевски, организатор на настанот и директор на Националниот парк „Пелистер“.
Веднаш после изгрејсонцето околу 07:15 започнале со спуштање назад кон Инфоцентарот и најдоцна до 10:30 за релативно кратко време, сите учесници пристигнаа назад на почетната позиција, каде што имаа средба со градоначалникот на Битола, Тони Коњановски.
Тој им ги честиташе ноговодишните празници на планинарите.
И Коњановски и Тошевски во име на сите учесници на настанот на граѓаните на Битола и на цела Македонија им посакаа Среќна нова 2026, а на Дарио и Мишела со честитки за вечна љубов.
