Непознат сторител извршил кражба на бакарни кабли од железнички мост на Мрзенска Река, на локацијата позната како „Авлаќ“, при што е предизвикана материјална штета и ризик за безбедноста на железничкиот сообраќај.
Од СВР Гевгелија информираат дека на 11 јануари 2026 година во 16:10 часот било пријавено дека во периодот меѓу 13:30 и 14:30 часот сторителот исекол и одзел два бакарни кабли во должина од околу 60 и 12 метри од мостот по кој се одвива железнички сообраќај.
Полицијата наведува дека веднаш се преземени мерки за откривање на сторителот и за целосно расчистување на случајот, додека се утврдува и висината на предизвиканата материјална штета.
