Маж од тетовско пријавил дека неговиот син бил изложен на притисоци и закани од неколку лица поради договор поврзан со деловен простор во Тетово, по што му се губи трага.
Според информациите од МВР, на 14 септември во 10 часот во СВР Тетово, Б.А. (56) од село Горно Палчиште пријавил дека во изминатите денови неколку лица, кои му биле познати, вршеле притисок врз неговиот син Д.А.
Тие, според пријавеното, со закани барале од него да исплати поголема сума пари и да им предаде возила.
Барањата, како што било пријавено во полицијата, биле поврзани со договор за деловен простор во Тетово.
По упатените закани, од 13 септември Д.А. станал недостапен, а неговиот татко не успеал да стапи во контакт со него.
За случајот бил известен јавен обвинител од Основното јавно обвинителство Тетово.
Полицијата презема мерки за расчистување на случајот и пронаоѓање на лицето.
…
