Министерот за европски прашања Беким Сали оствари средба со амбасадорот на Европска Унија, Михалис Рокас, на која ја истакна јасната и недвосмислена посветеност на Владата кон процесот на европска интеграција.
На средбата, министерот Сали нагласи дека интеграцијата во ЕУ и реформите поврзани со европската агенда остануваат врвен приоритет, со посебен фокус на испорака на конкретни резултати, зајакнување на институционалните капацитети и градење доверба кај граѓаните во процесот на пристапување кон Унијата.
Во разговорите беше потенцирана и важноста од континуирана и интензивна соработка со институциите на Европската Унија, како и потребата од одржување на позитивниот моментум на проширувањето преку ефикасна имплементација на реформите.
Соговорниците оценија дека успешното спроведување на реформската агенда е клучно за напредокот на земјата на европскиот пат и за остварување на стратешката цел – полноправно членство во Европската Унија.
