Фудбалскиот клуб Престон Македонија испиша нова страница во својата историја, откако по пауза од 34 години повторно го освои трофејот во Dockerty Cup.
Во големото финале, Престон Македонија славеше со 3:1 против Хајделберг Јунајтед, со што македонскиот клуб стигна до значаен трофеј и голема радост за своите навивачи.
За Престон Македонија погодија Чианчи, Зини и Лука Тевере, кој со својот настап во финалето остави особен впечаток.
Токму Тевере беше избран за најдобар играч на финалниот натпревар и го освои престижниот Jimmy Mackay Medal.
Триумфот во Dockerty Cup доаѓа по 34 години и претставува голем момент за Престон Македонија, клуб кој со оваа победа повторно се искачи на врвот.
Престон Македонија сега го слави големиот успех – трофејот повторно е во рацете на „Лавовите“.
…
