Албанскиот премиер Еди Рама објави дека добил официјална покана од претседателот на САД, Доналд Трамп, да се приклучи на т.н. „Одбор за мир“ за Газа.
Рама ја потврди информацијата преку објава на социјалните мрежи, наведувајќи дека Албанија е поканета како еден од основачките членови на ова меѓународно тело. Тој ја оцени поканата како значајно меѓународно признание и доказ за зголемениот углед и улога на земјата на глобалната политичка сцена.
Според медиумските извештаи, покани за учество во „Одборот за мир“ добиле и лидерите на Египет и Турција, што укажува на поширок регионален и меѓународен ангажман во напорите за стабилизација и мир во Појасот Газа.
