Специјалниот пратеник на претседателот на САД, Стив Виткоф, изјави дека мировните преговори меѓу Русија и Украина достигнале „критична фаза“ и дека решение е остварливо. „Време е ова да заврши. Јас сум охрабрен и оптимист дека ќе го направиме тоа. Преговорите сега се сведоа на едно клучно прашање, а тоа значи дека ако двете страни сакаат решение – ќе го постигнеме“, истакна Виткоф на Светскиот економски форум во Давос.
Тој додаде дека различни варијанти на ова прашање веќе се разгледани, што, според него, покажува дека е „решливо“. Виткоф, исто така, потенцираше дека воведувањето на бесцаринска зона во Украина би било „промена на правилата на игра“ за економијата на земјата.
По завршувањето на форумот, Виткоф се упатува кон Москва за средба со претседателот Владимир Путин, каде заедно со него ќе биде и Џаред Кушнер, зетот на поранешниот американски претседател Доналд Трамп. Главна тема на разговорите ќе биде 20-точковниот план за прекин на војната, кој, според специјалниот пратеник, е завршен „повеќе од 90 отсто“.
