Северна Македонија се потврди како водечки добавувач на зеленчук за Украина во 2025 година. Според податоците на украинската царина, увозот на таканаречениот „борш сет“ – зеленчукот потребен за традиционалната украинска чорба – скокнал за 85% во споредба со 2024 година, достигнувајќи вредност од 102,4 милиони долари.
Македонските производители доминираат во две клучни категории – зелка и коренести зеленчуци, како моркови и цвекло, каде што држат над 30% од вкупниот увоз во Украина.
Зелка и моркови – македонски бренд во Украина
Зелка: Увозот на зелка пораснал за 93,2%, достигнувајќи 48.410 тони со вредност од 44,9 милиони долари. Северна Македонија е најголемиот добавувач со удел од 31,29%, пред Полска (24,05%) и Холандија (13,79%). Моркови и цвекло: Увозот на моркови, цвекло и целер пораснал за 5,5 пати, достигнувајќи 43.950 тони, додека трошоците се зголемиле за 4,6 пати, на 27,79 милиони долари. Македонија повторно е лидер со 31,29% удел.
Кај кромидот, сепак, Македонија не е меѓу главните добавувачи. Украина увезла 23.160 тони кромид (раст од 3,2%) со главни добавувачи Холандија (34,22%), Кина (29,68%) и Египет (12,89%).
Овие податоци ја потврдуваат водечката улога на Македонија во снабдувањето на Украина со основниот зеленчук за традиционалната национална чорба „борш“.
