Од 1 февруари 2026 година, еврото станува единственото средство за плаќање во Бугарија. Министерството за финансии потврди дека од полноќ заврши едномесечниот период во кој граѓаните и фирмите можеше да плаќаат и во бугарски левови и во евра.
Сега, левовите повеќе нема да се прифаќаат за купување стоки и услуги, ниту за намирување на обврски. Трговците не се обврзани да ги примаат, а кусурот во сите трансакции ќе се враќа единствено во евра.
За полесна транзиција, цените ќе се прикажуваат и во левови и во евра до 8 август, со цел да се обезбеди транспарентност и да се спречат евентуални шпекулации.
Финансиските институции веќе започнаа со безнадомесно менување на левови во евра, и тоа ќе трае до 30 јуни. По овој рок, Бугарската народна банка ќе продолжи да ја обезбедува оваа услуга на неодредено време, сè уште бесплатно.
