Ноќта меѓу четвртокот и петокот, полициски службеници од станицата „Ѓорче Петров“ лишиле од слобода 36-годишна жена од Велес. Според информации од СВР Велес, жената ги оставила своите пет малолетни деца сами во домот и отпатувала за Скопје.
По пријавата поднесена во СВР Велес, случајот бил проследен до јавен обвинител. Оттаму информираа дека против велешанката ќе биде поднесена соодветна кривична пријава по целосно документирање на настанот.
