Полицијата во текот на изминатото деноноќие лишила од слобода 21 возач на различни локации низ државата поради сомнение за кривичното дело „безобѕирно управување со моторно возило“, предвидено во член 297-а од Кривичниот законик. Со уште едно лице, малолетник, бил извршен службен разговор.
Од приведените, десетмина управувале возило без положен возачки испит. Станува збор за Н.М. (41) од Сарај, А.Р. (25) од Батинци, Х.Ш. (35) од Неготино, Гостиварско, 16-годишник од Видуше, Општина Маврово и Ростуше, А.С. (31) од Ковач, Македонски Брод, А.Д. (32) од Корошишта, Струшко, Ќ.С. (62) од Градско, како и Е.Ј. (27), Е.Д. (43) и Н.Ј. (22) од Скопје. Според полицијата, Н.Ј. возел и со брзина поголема од дозволената.
Покрај нив, полициски службеници во Пробиштип, во присуство на родител, извршиле службен разговор со 16-годишник од Приковци, Кратовско, кој управувал мопед без возачка дозвола. Така, вкупно 11 лица биле затекнати како управуваат без положен испит или дозвола, од кои десетмина биле приведени.
Под дејство на алкохол биле затекнати десетмина возачи: Д.Д. (39) од Кумановско, С.К. (40) од Ињево, Радовишко, Г.И. (31) од Дулица, О.В. (27) од Македонска Каменица, М.У. (44) од Кичево, Д.М. (24) од Брвеница, Тетовско, З.С. (54) од Скопје, Н.З. (64) од Битола, А.Н. (46) од Прилеп и С.Ј. (66) од Селце, Прилепско.
Приведен е и В.Д. (37) од Македонски Брод, кој управувал автомобил иако имал активна забрана за управување возило од Б-категорија.
Од МВР најавуваат дека по документирањето на случаите ќе бидат поднесени соодветни кривични пријави. Полицијата апелира возачите да не седнуваат зад волан без положен испит, со активна забрана за управување или под дејство на алкохол.
