Советниците на коалицијата ВЛЕН во Советот на Град Скопје ја изгласаа одлуката со која големиот инфраструктурен проект на улицата „Цветан Димов“ во Општина Чаир доби зелено светло за реализација. Со ова, проектот што се смета за од витално значење за жителите на Чаир влегува во фаза на спроведување.
Донесената одлука отвора можност за решавање на еден од најсложените сообраќајни јазли во Скопје, каде секојдневно илјадници граѓани се соочуваат со сообраќајни метежи и застои.
Зад оваа одлука стои и истрајноста, како и исполнетото ветување на градоначалникот на Општина Чаир, Изет Меџити, кој уште од првиот ден ја постави улицата „Цветан Димов“ како еден од врвните приоритети, претворајќи го проектот од предизборно ветување во конкретна реализација.
Проектот е предвидено да се реализира преку меѓуопштинска соработка меѓу Град Скопје и Општина Чаир, на делницата од крстосницата со улицата „Никола Карев“ до крстосницата со „Џон Кенеди“. Вкупната вредност на инвестицијата изнесува 150 милиони денари, а рокот за реализација е предвиден во периодот од 2026 до 2028 година.
Овој изгласан проект, според оценките, претставува и јасна порака до политичките субјекти кои, и по завршувањето на изборите, продолжуваат со изборна реторика, иако пред неколку месеци, како што се наведува, граѓаните со гласовите ја дадоа поддршката на Изет Меџити и ВЛЕН во Скопје и околината.
…
