Во Потакет, Род Ајленд, ноќеска се случи масовно пукање за време на младински хокејски натпревар што остави зад себе најмалку две жртви и тројца тешко повредени. Тамошната полиција потврдува дека напаѓачот, идентификуван како Роберт К. Дорган, отвори оган кон гледачите пред да си го одземе животот.
Според првичните истраги, Дорган испукал најмалку десет куршуми кон публиката во арената, пред еден од присутните да се обиде да го спречи и да го разоружа. Напаѓачот потоа извршил самоубиство на самото место.
Тројцата повредени, кои се пренесени во болница, се во критична состојба и лекарите се борат за нивниот живот.
Полицијата откри дека Дорган, кој според надлежните користел и друго име – Роберт Еспозито, сè уште нема објавен јасен мотив за нападот.
Овој крвав инцидент се случува само неколку недели по вооружениот напад на Универзитетот Браун, што дополнително ја зголеми тревогата за безбедноста во заедницата на Род Ајленд. Според најновите податоци, од почетокот на годината до сега САД бележат 41 вооружен инцидент во првите 47 дена.
