На олимписката планина Јахорина во Босна и Херцеговина се случи сериозен инцидент кога дете испадна од седиштето на жичара и падна на снегот, по неколку секунди во кои висеше држејќи се за корпата.
Висеше неколку секунди, скијачите се обидоа да помогнат
Според снимките што се појавија на социјалните мрежи, детето во еден момент се нашло надвор од седиштето и останало да виси, додека луѓето под жичарата трчале и се обидувале да го фатат. Сепак, по кратко време тоа паднало на утабаниот снег.
Инцидентот траел само неколку секунди, а засега нема официјални информации како дошло до испаѓањето од жичарата.
Од Гoрската служба за спасување потврдиле дека детето е пренесено во болницата „Србија“ во Источно Сараево, каде што е задржано на лекување. Според првичните информации, се работи за повреда на ногата, но не се соопштени детали за тежината на повредите.
Истрага за причините
Надлежните институции засега не објавија официјални податоци за причините за несреќата, ниту дали станува збор за технички пропуст, човечка грешка или неправилно користење на жичарата.
Инцидентот предизвика вознемиреност кај посетителите на ски-центарот, а видеото од падот брзо се прошири на интернет и во регионалните медиуми.
ВИДЕОТО МОЖЕ ДА ГО ПОГЛЕДНЕТЕ ТУКА
