Водата од градскиот водовод во Кичево е безбедна за пиење, соопшти ЈКП „Комуналец“ – Кичево. Последните лабораториски тестови, спроведени од Институтот за јавно здравје – Битола, покажуваат дека водата е целосно исправна.
Резултатите ги потврдуваат како микробиолошките, така и хемиските показатели, што значи дека водата може да се користи без страв за пиење и подготовка на храна. Граѓаните можат слободно да ја користат водата од водоводната мрежа во секојдневниот живот, без потреба од дополнителна обработка или филтрирање.
