Планирани зафати во електродистрибутивната мрежа ќе предизвикаат привремени прекини во снабдувањето со електрична енергија во неколку скопски општини во текот на денешниот ден. Информацијата ја соопшти Центарот за управување со кризи (ЦУК), повикувајќи се на известување од ЕВН Македонија АД.
Според најавите, без струја утрово од 08:30 до 12:30 часот ќе останат дел од корисниците во општина Карпош. Прекинот ќе ги опфати жителите на улицата 1506 во населбата Скупи, како и дел од улицата Никола Карев 9, во близина на реката Лепенец и објектот „Стоп Енд Го“.
Во општина Ѓорче Петров, пак, планираните активности на мрежата ќе предизвикаат прекин на електричната енергија во периодот од 09:00 до 15:00 часот. Струја во тој интервал нема да имаат дел од домаќинствата на улицата 31 во населбата Волково.
Дополнително, краткотраен прекин е најавен и во општина Кисела Вода. Според податоците од ЦУК, дел од корисниците на улицата Ефтим Спространов ќе останат без електрична енергија во периодот од 11:00 до 13:00 часот.
