Поради планирани технички зафати на електродистрибутивната мрежа, утре (24 февруари 2026 година) повеќе делови од Скопје ќе останат без електрична енергија во различни временски интервали.
Во централното градско подрачје, во општина Центар, прекин ќе има од 07:00 до 16:00 часот. Без струја ќе бидат делови од улицата „Мирослав Крлежа“, како и објекти зад Грчката амбасада и на булеварот „Партизански одреди“ на потегот од број 19 до 23.
Во населбата Драчево, електрична енергија нема да има од 08:30 до 13:42 часот на улицата „Јустинијан Први“, во делот од маркет ВАЈОТА кон селото Студеничани.
Во Долно Соње, прекинот е најавен од 09:00 до 12:00 часот, при што ќе бидат зафатени делови од селото, конкретно улиците 8 и дел од улица 12.
Исто така, во Трубарево без струја ќе останат корисниците на улиците 30, 36 и 38 во периодот од 09:00 до 12:00 часот.
Во општина Карпош се предвидени два прекина. Првиот ќе биде од 09:30 до 12:00 часот и ќе ги опфати дел од корисниците на булеварот „Партизански одреди“, во реонот на ТЦ „Алуминика“. Вториот прекин ќе биде од 11:00 до 15:30 часот на дел од улицата „Женевска“.
Надлежните служби апелираат до граѓаните навремено да ги планираат своите активности и да ги земат предвид најавените прекини во снабдувањето со електрична енергија.
