Инцидент во Индискиот Океан ја вознемири локалната јавност, откако ирански воен брод бил нападнат во близина на брегот на Шри Ланка, при што повеќе од 100 лица се водат како исчезнати. Според информации од воени извори во Коломбо, најмалку 78 членови на екипажот се здобиле со повреди, додека потрагата по останатите сè уште трае.
Сигналот за опасност бил регистриран во раните утрински часови, кога бродот „ИРИС Дена“, дел од јужната флота на иранската морнарица, почнал да тоне. Министерот за надворешни работи, Виџита Херат, потврдил дека на пловилото имало околу 180 лица во моментот на нападот.
Во обид да се спречи уште поголема трагедија, властите на Шри Ланка итно ги мобилизирале морнарицата и воздухопловните сили. Спасувачките екипи се упатиле кон местото на настанот веднаш по приемот на повикот за помош, додека операцијата за пребарување и спасување продолжува под засилени безбедносни мерки.
Инаку, иранскиот брод претходно учествувал во поморски вежби во Индија, по што се упатил кон водите на Шри Ланка, каде што се случил нападот. Околностите под кои дошло до инцидентот засега остануваат неразјаснети, а официјалните истраги се во тек.
