Министерот за животна средина и просторно планирање, Мухамед Хоџа, денеска информира дека е во тек реализацијата на првата фаза од проектот за изградба на регионални депонии.
При посетата на Струга, Хоџа појасни дека во овој период се предаваат машини и опрема на општините, како дел од подготовките за целиот проект.
– На промоцијата на проектот на 5 јануари најавивме дека во рок од шест месеци ќе заврши целата постапка за објавување на огласот, и очекуваме наскоро да биде избран економски оператор кој ќе ја реализира изградбата, изјави Хоџа.
Отпадот од Општина Струга ќе се транспортира во Новаци, каде што ќе се изгради регионален центар кој ќе ги покрива Југозападниот и Пелагонискиот регион.
